انواع البنات في الجا

السلام عليكم
هاي بنات وشبااااااااااااب كيف الحال انشالله تمام
اول شي كل البنات يقومو من النوم المزاج معكر والمخ مقفل ومتنح والعيون محمره بس ماشي الحال والي عندها اخوااااات مصيبه مضاربه علي الاستشوار من صباح الله خير وعلي الملابس وعلي الشنط علي كل شي بما انهم صاحين من النوم امكن يضاربو حتي مع نفسهم في المرايا(تحصل في احسن العائلاااااات ) وبعدها الي تروح مع باص فربي راحمها بس هادي تسوي اكشن تلقا انواع الترامس معاها ومرطبان الجبنه والمربه والزيتون مو بعيده تاخد معاها كفتيرا وفرن عشان تسوي شاهي وتكمل الفطور المثالي اما الي تروح مع اخوها الله يعينها لازم تتاخر علي الدوام عشان اسم الله الولد يبغا يتكشخ علي بالو رايح صلاة الجمعه واذا معاها اخوانها عاد كملت اكيد مضاربه كل واحد يبغا يوصل اول بس في النهايه كلهم حيوصلو صح في واحد حيكون متاخر بس في النهايه يمشي الحااااااااااااال ولي تروح مع سواااااق لحالها هادي تكبر المخده وتناااااااام علي بالها انها في السرير عايشه الدور تنام وتشخر وتتقلب الين تصقع السواق برجلها مسكين

والان بعد ما توصل الدوام وتدخل الجامعه رايحين تشوفو العجب العجاااااااااااااب والعجب العجاب هما البنات الي راح نوصفهم وقسمتهم علي عدة مجموعااااااات


1- الدواااااافير

وهم فئه ملتصقه بالكتب التصاقا عجيبا تكاد تكون عملية فصلهما اصعب من عملية فصل التوائم السيميان وتشوفهم في الحصه او وقت الفراغ او بين المحاضرات او في السياره مع الكتب عيني عليهم بارده وتلقاهم قدام ماشاءالله في عب الدكتوره يسالوها عن كل شي الي يعرفو والي ما يعرفو وتلقاها قبل الاختبار تبكي وتقول والله مااااااازاكرت وتخرج من الاختبار تبكي تقول والله ما حليت وتجي النتيجه تطلع الاولي او التانيه في الترتيب ما ادري كيف سبحاااان الله

2-الفهلويات او( الفهامه)

ومعني فهامه انهم يسوي عارفين كل شي وما يجو الدوام الا عشاااان يورو زميلاتهم انهم اشترو بلوزه جديده او ساعه ماركه او غيرت جوالها ( طب غيرتي جوالك بالعافيه )وهدول يا انهم اخر شي في الكلاس ماهم دارين ايش هي المحاضر ((معذورين) بيتكلمو عن الفاشن واخر الموضات او انهم ما يجو المحاضر خير شر من اول السنه لاخرهاكيف ينجحو الله اعلم اكيد بلبرشمه والغش

3-المطاعم المتنقله

هدولي طبعا داخلين بترامز وخارجين بصواني يحسسوك انك في مطعم طلبات داخله وطلبات خارجه ويجلسو في اماكن بعيده عشااان ما احد يقطع عليهم فلتهم وطبعا متاخرين عن المحاضره بياكلو حضراتهم مو فاضين شي طيب انهم بيدخلو المحاضر متاخرين في الاختبارت ناس تزاكر وهم يفطرو عشااااان ايش عشان يحلو تمام قال وتلقي ورقة الاختبارفاضيه الاخت تزاكر طبخات ووصفات طوال السنه يحقلها ما تحل

4-الصايعات

الله يجيرنا واياكم هادول شايلين علبة المكياج معاهم علي طول عشان يزبطو الوضع بعد المحاضره وعلي بره ايش فطور وصياعه ولفلفه في الشارع وتوجيبات من الصباح وزيارة بعض الصديقات الغايبات وتلقي مستواهم الدراسي هه مو مره سئ بس بينجحو في الاخر بي الB طبعا

5-المسترجلاااات

هادولي عاد مصيبه تيشرت اسود علي صورةهيكل عضمي وبوت دوج وسلاسل من كل مكان قلبو( نيقرو)الشعر( منحوت) يعني مقصوص ولادي بس مو كل الي يقصو ولادي مسترجلين ومتجمعين في زاويه كلهم زي بعض طبعا البعض يتحاشاهم والبعض الاخر يتقرب منهم عشان يامن مكرهم واي مصيبه تسمعيها في الجامعه يطلعو وراها واذا شفتي مضاربه تلقي وحده فيهم هي الي بتضارب والبقين يشجعو ويقولو كلام مثل ( اديلو ) ( صح )( يجي) (ادعسي شكلها ) وهكذا ومشي الحااااااااال وتلقاهم في الدراسه تماااااام شكلو الدكاتره بيخافو منهم ويمشوهم ولا ما بينجحو من الشطاره والمزاكره

6-الحلواااااااااات

هدولي يا سلام جامعين كل صفه من الصفات الخمسه تجي عليهم هبقاااااات يزاكرو وهبقاااات مطنشين ومره مسوين حملة فطور وغدا وسعات متمكيجين علي سنكة عشره وطالعين يفطورو وفيهم شوي من شوفة الحال والفشخره والفهامه ويهمهم الشكل طبعا والشياكه ومستواهم جيد جدا وتجي عليهم هبقات مضاربه ومشاكل بس ينفرشو لانهم دلوعاااااات